देश महाराष्ट्र

अलिबाग :रायगड जिल्ह्यातील १० नगरपरिषदांच्या निवडणुकीसाठी मंगळवारी (दि.२) मतदानप्रक्रिया राबविण्यात आली. दहा नगरपालिकांमध्ये एकूण ७०.३६ टक्के मतदारांनी मतदानाचा हक्क बजावला. मतदान करण्यात महिला मतदारांच्या तुलनेत पुरुष मतदार आघाडीवर असल्याचे दिसून येते. ७०.५३ टक्के पुरुष मतदारांनी मतदानाचा हक्क बजावला असून, ६९.९७ टक्के महिला मतदारांनी मतदानाचा हक्क बजावला आहे. महिला मतदारांच्या तुलनेत ०.५६ टक्क्यांनी पुरुष मतदारांचे प्रमाण जास्त असल्याचे स्पष्ट होत आहे. तर तृतीयपंथी २ मतदारांपैकी एका मतदाराने मतदानाचा हक्क बजावला आहे.

रायगड जिल्ह्यातील १० नगरपरिषदांसाठी मंगळवारी मतदानप्रक्रीया राबविण्यात आली. १० नगरपरिषदांमध्ये १ लाख १९ हजार ७८ पुरुष तर १ लाख १८ हजार ४२३ महिला व २ तृतीयपंथी असे २ लाख ३७ हजार ५०३ मतदार होते. मतदानप्रक्रिये दरम्यान ८३ हजार ९८६ पुरुष, ८२ हजार ८७१ महिला तर एक तृतीयपंथी अशा एकूण १ लाख ६६ हजार ८५८ मतदारांनी मतदानाचा हक्क बजावला. पुरुष मतदारांची मतदानाची टक्केवारी ७०.५३ टक्के तर महिला मतदारांची मतदान टक्केवारी ६९.९७ टक्के व तृतीयपंथी मतदारांची मतदानाची टक्केवारी ५० टक्के इतकी असल्याचे दिसून येते.

पुरुष, महिला मतदान टक्केवारी दृष्टीक्षेप.....

नगरपरिषद : पुरुष : महिला

कर्जत : ७२.८० : ७१.९४ 

अलिबाग : ७१.८४ : ६८.७८ 

माथेरान : ८५.३६ : ८५.३४

मुरुड : ७४.०० : ७३.७८

श्रीवर्धन : ६७.३६ : ६५.१४

खोपोली : ६८.५० : ६८.५३

उरण : ६८.६१ : ६७.२०

पेण : ७०.७३ : ७०.०३

महाड : ७१.०६ : ७१.००

रोहा : ७१.४० : ७२.४१